13-aprel kuni Abu Ali Ibn Sino nomidagi viloyat axborot-kutubxona markazida “Oʻzbekiston – kitobxonlar yurti” shiori ostidagi “VI Respublika Kitobxonlik haftaligi”ning tantanali ochilish marosimi boʻlib oʻtdi.
Haftalik dasturida kitobxonlar uchun turli tadbirlar, adabiy-musiqali kechalar, davra suhbatlari, tanlovlar, “Zakovat” intellektual oʻyini, kitob taqdimotlari, “Libmob” aksiyalar o‘tkazilishi rejalashtirilgan.
Kutubxona foyesi bayramona bezatildi. Yangi adabiyotlarning ochiq koʻrgazmasi, Buxoro shahar 1-son musiqa va sanʼat maktabi rassom oʻquvchilarining ijodiy ishlar koʻrgazmalari joylashtirildi. Tadbir musiqa sadolari ostida boshlandi.
Unda Respublika Maʼnaviyat va maʼrifat markazi Buxoro viloyat boʻlimi hamda Buxoro shahar hududiy boʻlinmasi, Oʻzbekiston Yozuvchilar uyushmasi Buxoro viloyat boʻlimi, Oliy taʼlim, fan va innovatsiyalar vazirligi, Xalqaro adabiyot akademiyasining Buxoro viloyat boʻlimi, Maktabgacha va maktab taʼlimi vazirligi, “Ibn Sino vorislari” va “Sheʼriyat gulshani” kitobxonlar klubi aʼzolari, kitobxon yoshlar ishtirok etishdi.
AKM foyesida Buxoro shahar 1-son musiqa va sanʼat maktabi oʻquvchilari ishtirokida buxorocha raqs ijro etildi.
Tadbirda Respublika maʼnaviyat va maʼrifat markazi Buxoro viloyat boʻlimi rahbari Zubaydulla Zaripovich Sharipov, Buxoro shahar boʻlinmasi rahbari Aziz Azimovich Hakimov, Oʻzbekiston Yozuvchilar uyushmasi Buxoro viloyat boʻlimi raisi Shodmon Sulaymon, Buxoro davlat texnika universiteti 1-prorektori, falsafa fanlari doktori, professori Pardayeva Marhabo Davlatovna, Xalqaro adabiyot akademiyasi Buxoro viloyat boʻlimi rahbari shoir Roʻzimurod Mahmudovlar soʻzga chiqdilar va tadbir ishtirokchilarini “Kitobxonlik haftaligi” bayrami bilan tabrikladilar.
