Joriy yilning 10-aprel kuni viloyat axborot-kutubxona markazida “Tuman (shahar) axborot-kutubxona markazlarining AKT mutaxassislari uchun ijtimoiy tarmoqlarni samarali olib borish” mavzusida seminar bo‘lib o‘tdi. Bugungi kunda ijtimoiy tarmoqlar orqali aholiga tezkor va sifatli axborot yetkazish muhim ahamiyat kasb etmoqda. Shu munosabat bilan tuman (shahar) axborot-kutubxona markazlarining AKT mutaxassislari uchun ijtimoiy tarmoqlarni samarali yuritish bo‘yicha amaliy ishlar olib borilmoqda. Zamonaviy yondashuvlar orqali kutubxonalar faqat kitob o‘qish joyi emas, balki axborot va madaniyat markaziga aylanmoqda.
